நீங்கள் தேடியது "வீடு சேதம்"

தேவதானப்பட்டி:

தேவதானப்பட்டி அருகே உள்ள பெருமாள் கோவில்பட்டியைச் சேர்ந்தவர் முனீஸ்வரி. இவருக்கும் அதே பகுதியைச் சேர்ந்த காமாட்சி (வயது 35) என்பவரது குடும்பத்துக்கும் முன் விரோதம் இருந்து வந்தது. கடந்த சில நாட்களுக்கு முன்பு முனீஸ்வரி தேவதானப்பட்டி போலீஸ் நிலையத்தில் ஒரு புகார் மனு அளித்திருந்தார். அதன் பேரில் காமாட்சி குடும்பத்தில் ஒருவரை கைது செய்தனர்.

சம்பவத்தன்று காமாட்சி, வனிதா (25), அமராவதி (55) ஆகிய 3 பேரும் முனீஸ்வரி வீட்டுக்கு சென்று போலீஸ் நிலையத்தில் அவர் கொடுத்துள்ள வழக்கை வாபஸ் பெற கூறியுள்ளனர். அதற்கு முனீஸ்வரி மறுத்துள்ளார்.

இதனால் ஆத்திரமடைந்த 3 பேரும் முனீஸ்வரியை தாக்கி கீழே தள்ளினர். மேலும் வீட்டு கூரையை உடைத்து சேதப்படுத்தி பொருட்களையும் சூறையாடினர். இது குறித்து முனீஸ்வரி தேவதானப்பட்டி போலீஸ் நிலையத்தில் புகார் அளித்தார். அதன் பேரில் போலீசார் வீட்டை சூறையாடிய வனிதா உள்பட 3 பேரையும் கைது செய்து விசாரணை நடத்தி வருகின்றனர்.

திருப்போரூர்:

திருப்போரூரை அடுத்த சிறுதாவூர் கிராமம் மேட்டுத் தெருவில் வசித்து வருபவர் அரிராமன்.

இவர் தண்டலத்தில் உள்ள தனியார் கம்பெனியில் ஊழியராக வேலைபார்த்து வருகிறார். இவருக்கு பார்வதி என்ற மனைவியும் 3 குழந்தைகளும் உள்ளனர். நேற்று இரவு வழக்கம்போல் அனைவரும் சாப்பிட்டுவிட்டு வீட்டின் முன் வராண்டாவில் படுத்து தூங்கினார்.

நள்ளிரவு 1 மணியளவில் இந்த பகுதியில் இடி மின்னலுடன் மழை பெய்தது. எனவே மனைவி மற்றும் குழந்தைகளை வீட்டின் உள்ளே சென்று படுக்க சொல்லிவிட்டு அரிராமன் மட்டும் வராண்டாவில் படுத்து தூங்கியுள்ளார்.

1.30 மணியளவில் திடீரென பயங்கரசத்தத்துடன் இடி சத்தம் கேட்டுள்ளது. வீட்டின் மாடியின் சைடு பகுதியில் இடிதாக்கி மாடியின் சைடு பகுதியின் சுவர் இடிந்து விழுந்தது இதில் வராண்டாவில் படுத்திருந்த அரிராமனுக்கு லேசான காயம் ஏற்பட்டது.

வராண்டாவில் நிறுத்தியிருந்த மோட்டார் சைக்கிளும் சேதம் அடைந்தது. இடி தாக்கியதில் சுமார் ரூ. 2 லட்சம் அளவில் சேதம் ஏற்பட்டிருக்கலாம் என கூறப்படுகிறது. இது குறித்து கிராம நிர்வாக அலுவலருக்கு தகவல் தெரிவிக்கப்பட்டது. சேதம் குறித்து அதிகாரிகள் விசாரித்து வருகிறார்கள்.